CEIP Ramón de la Sagra

Entroido 2012

2012-02-26T20:54:00.000+01:00

DÍA DA PAZ

2012-02-12T20:57:00.002+01:00

Os nenos e nenas do 3º ciclo falan:

"Reunímonos hoxe para celebrar o Día Mundial da Paz.

- Pero... por que hai un Día Mundial da Paz?
Para concienciar ao mundo de que non se debe usar a violencia e que houbo e hai persoas que traballaron e traballan para establecer a Paz que todos desexamos.

- Por que se celebra o 30 de xaneiro?
Porque foi cando morreu Mahatma Ghandi, gobernante indio, que adicou toda a súa vida a expandir a mensaxe de non usar a violencia.

- Para que un Premio Nóbel da Paz?
Para recoñecer o mérito a aquelas persoas que loitaron por un mundo mellor, a igualdade social e sen violencia.

Por este motivo, tamén foron galardonadas mulleres como Wangari, Leymah Roberta e Ellen Johnson; todas elas africanas:"

E despois destas reflexións, todos e todas bailamos pola paz ao son de Jambo:

UNHA MAÑÁ MOI MOVIDA.

2012-02-06T00:03:00.001+01:00

O día 20 de xaneiro actuaron para nós os BATIMBO BURUNDI. Un dos compoñentes do grupo contounos que os tambores eran algo máis que instrumentos musicais. En Burundi, os batimbo eran os encargados de tocar os tambores co fin de proclamar algunha nova importante que o rei, e máis tarde o presidente, quixeran transmitir ao pobo. Non estaba permitido tocar os tambores libremente; só o podían facer os batimbo e só nas ocasións que o rei determinaba.
Estas son algunhas frases dos nosos compañeiros ao rematar a actuación.

-“A música era moi potente e forte.”

-“Tocaron e bailaron música tradicional africana.”

-“Deixáronos tocar os tambores e non era tan fácil como parecía.”

-“Para tocar os tambores había que ter moitísima forza”.

-“Sentímonos como unha caixa de resonancia.”

-“Houbo un momento no que os tambores tocaron moi forte e todos aplaudían ao son dos tambores e todo vibraba moi forte, os corazóns, os corpos, as cadeiras… ¡¡¡Era moi emocionante!!!”

-“De tan forte que tocaban sentiamos como vibraban as cadeiras.”

-“Cando subín o escenario e toquei o instrumento comprobei que era moi complicado seguir o ritmo, e as baquetas pesaban moito.”

- “Había moita máis expectación da que parecía; era moi difícil non poñerse nervioso.”

E velaí vai o enlace ao blogue das profes de 2º onde atoparedes un vídeo da actuación para que sintades o mesmo que sentimos nós:

basedúas

¿PROXECTO A TRABALLAR NO 2012?

2012-02-01T17:44:00.001+01:00

¿PROXECTO A TRABALLAR NO 2012? Xorden moitas ideas iniciais que van deixando paso a dous temas que se manteñen sempre: AFRICA E CONTOS POPULARES.

Xa está! A facer campaña e eliximos o tema democraticamente.

Para levar a cabo as votacións nas que participará todo o alumnado, queda fixada a data do 17 de novembro.

Temos présa porque o calendario do 2012 estanos esperando e precisamos saber o tema que os rapaces queren traballar.

A Biblioteca do CEIP Ramón de la Sagra convértese nun lugar de festa, con mesa electoral, listaxes, identificación de votantes, escrutinios, actas... e uns votantes que se toman as cousas moi en serio. Non hai máis que verlles as caras.

Rematado o escrutinio e levantada a acta correspondente dáse lectura por megafonía dos resultados. Sae elixido co voto de 280 electores o tema de ÁFRICA.

Iniciamos o mes de xaneiro cunha marabillosa viaxe conxunta que nos levará por distintos lugares e aspectos deste continente inabarcable.

África

GUÍA DE LECTURAS 2011-2012

2011-12-17T14:12:00.001+01:00

Desde a Biblioteca escolar achegamos esta pequena Guía de lecturas.
Recolle libros de recente aparición ou novamente reeditados e que nos parecen dignos de caer nas mans das nenas e nenos.

Algúns deles, ademais, gardan relación con África: un continente que ha ter moito protagonismo no noso colexio no vindeiro trimestre.
Todos eles están expostos na estantería do vestíbulo, por se queredes botarlles unha ollada.

Desexásmovos a tod@s un ano cheo de ledicia...e boas lecturas!

Achégase o Nadal!

2011-12-11T10:34:00.000+01:00

Falta moi pouquiño para o Nadal e no CEIP Ramón de la Sagra propuxémonos deixar o cole ben engalanado.

Fixemos postais de nadal que colgamos nas portas das nosas aulas, beléns que nos reciben polas mañás na entrada, decoramos as clases e máis os corredores, etc.

A continuación deixámosvos unha pequena mostra de moitas das marabillas que fixemos.

Tomade nota da orixinalidade de todas elas!

TDAH: Guía para pais e nais

2011-11-29T22:17:00.000+01:00

Dende o departamento de Orientación querémosvos achegar esta guía que nos pareceu de grande utilidade práctica tanto para comprender como para saber como actuar cos nenos e nenas con TDAH.

Esperamos que sexa do voso interese.

(Clicar no enlace para ver a pantalla competa)

TDAH-Guia Para Padres

Con pouco podemos alegrar a vida de moitos

2011-11-22T09:39:00.004+01:00

Como xa se vos comunicou mediante unha nota, o CEIP Ramón de la Sagra está a colaborar coa Agrupación Local de Voluntarios de Protección Civil da Coruña na recollida de xoguetes para nenos e nenas con falta de recursos de diferentes colectivos.

Por este motivo, pedimos a vosa colaboración en tanto e canto poidades achegar ao colexio xoguetes e xogos en bo uso para estes nenos e nenas. Tendes de prazo ate o 25 de novembro.

Agradecémosvos a vosa colaboración que de seguro alegrará o Nadal a moit@s nen@s en situación desfavorecida.

O Magosto no Ramón de la Sagra.

2011-11-16T23:48:00.001+01:00

O venres pasado celebramos o magosto no cole.

Coma sempre, decoramos os corredores con motivos relacionados con esta celebración.

Neste caso, a cada nivel tocounos traballar cun froito típico do outono. Buscamos información dos froitos que nos tocaron, argallamos receitas nas que se empregasen, escribimos contos e poemas nos que apareceran, fixemos debuxos deles e das súas árbores, etc.

Despois de tanto esforzo tiñamos máis que merecida unha boa recompensa así que despois do recreo comemos as castañas que tiñamos traído ao longo da semana e sacamos fotos para compartir con todos vós.

Que ben o pasamos!

SAMAÍN 2011

2011-11-01T15:02:00.001+01:00

Este ano o Samaín tamén chegou ao Ramón de la Sagra:

Trouxemos ao cole as cabazas máis terroríficas, decoramos todo o centro, fixemos unha selección dos contos e historias que daban máis medo e despois do recreo visitounos a Santa Compaña.

Pasámolo de medo!

POR UN ENSINO PÚBLICO DE CALIDADE

2011-10-18T16:22:00.000+02:00

Recordámosvos que hoxe, día 18 de novembro, terá lugar a concentración convocada polos sindicatos de Educación. Agardámosvos a tod@s ás 20:00 na Plaza de Pontevedra da Coruña.

LOITEMOS POLOS DEREITOS D@S NOS@S FILL@S, LOITEMOS POR UN ENSINO PÚBLICO DE CALIDADE!

Contamos convosco.

Comezamos un novo curso!

2011-10-16T14:17:00.000+02:00

Arrancamos este ano co blogue do colexio facilitándovos a información que xa vos chegou á casa no tríptico de principio de curso, onde tedes información moi importante relativa a profesorado, calendario, horarios, datos de interese, etc.

Podédelo descargar clicando nas imaxes que aparecen a continuación:

Desexamos que teñades un bo curso 2011-2012

Resolución do Certame de teatro e playback do Calvo Sotelo

2011-07-06T17:38:00.001+02:00

Como moit@s xa saberedes, os nenos e nenas do noso centro quedaron en moi boa posición no Certame de teatro e playback celebrado no colexio Calvo Sotelo. Xa fixemos unha entrada co resultado do playback pero faltábannos os campeóns e campeonas que participaron na modalidade de teatro, así como as fotografías de tod@s.

Os premios de teatro foron os seguintes:

- Obra "La manzana" do alumnado de 1º A:

Primeiro premio de teatro na categoría "Benjamín".
Actores destacados: Mario Seoane Sánchez e Salvador Rancho Gaspar.

Actrices destacadas: Carolina Varela Vázquez e Noelia Temprano Lema.
Premio ao mellor actor do Certame na categoría "Benjamín": Mario Seoane Sánchez.

- Obra " A Cousa que máis doe" do alumnado de 6º A de Infantil ( 5 anos):

Actores destacados: Brais Santos Fuentes e Pablo López Couceiro.

Actriz destacada: Andrea González Domínguez.

Moitísimas felicidades a todos e todas. Fíxéchedelo perfecto!

Tamén podedes ver as fotos d@s participantes na modalidade de playback:

- Canción do "waka-waka", representada polo alumnado de 3ºA:

(Segundo premio do certame)

-Canción "Ojos así", representada por alumnas de 6º:

(Terceiro premio do certame)

E velaí tedes os trofeos:

Noraboa a tod@s!

Despedida dos alumnos a alumnas de 6º curso

2011-07-02T16:02:00.002+02:00

Como cada ano, rematan as clases e remata, para algúns e algunhas, unha etapa na súa vida académica. Estamos a falar dos alumnos e alumnas de 6º. Nesta entrada eles/as e as súas mestras son os/as protagonistas.

Para celebrar o comezo desta nova etapa que empezarán o curso que ven, e para despedirse dunha etapa xa superada, que é a educación primaria, o alumnado de 6º e as súas titoras organizaron un bonito e emotivo acto de despedida do que fomos partícipes moitos de nós.

Neste acto non faltou de nada: lectura dunhas verbas que reflexaban o sentir xeral do alumnado; palabras por parte da dirección do centro e máis das titoras Loli e Mercedes; entrega de diplomas; intercambio de agasallos e ate unha actuación en directo entre outras moitas cousas.

Para tod@s @s que queirades recordar este precioso día, e para tod@s @s aqueles/as que non puidéchedes estar alí, deixámosvos as fotografías do que foi unha tarde realmente conmovedora.

Por último dicir que unha etapa tamén se pecha, abrindo outra nova e ben merecida, para tres mestras do noso colexio Ramón de la Sagra: Loli López, Pepita e Delia, ás que botaremos moito de menos os cursos vindeiros e ás que desexamos unha vida chea de ledicia. Non cambiedes nunca.

Moi boa sorte a estas mestras e a estes/as nenos/as que nos deixan (agardamos que nos visitedes a cotío)!

O Ramón de la Sagra arrasa no Calvo Sotelo!!

2011-05-25T23:23:00.000+02:00

Parabéns ás rapazas e rapaces de 6º e de 3º que gañaron hoxe o 3º e 2º premio respectivamente do festival de playback celebrado no centro Calvo Sotelo!!

Moitísimas grazas a todas as profes e alumn@s que viñeron vernos e estiveron alí connosco, apoiándonos e dándonos agarimos.

Tamén a tod@s aqueles e aquelas que quixeran ter estado pero non puideron, e por suposto a todos os pais, nais e demais familiares que se portaron de forma excepcional, axudándonos en todo o posible e animando aos seus fillos e fillas como solo eles/as saben facer. GRAZAS A TOD@S!

Por último, e non por iso menos importante, GRAZAS a todas as bailarinas e bailaríns por facernos pasar tan bo rato e deixar ao cole en tan boa posición.

Para nós, independentemente do posto no que quedarades, sodes TOD@S @s número 1, FENÓMEN@S!!

En canto teñamos as fotos do certame as iremos poñendo no blogue. Estade atent@s!

CONTAMOS CONVOSCO!!

2011-05-20T19:49:00.000+02:00

Anunciámosvos que algún rapaces e rapazas do noso cole van actuar no colexio Calvo Sotelo.

Gustaríanos moito contar coa vosa presencia e o voso apoio, así que vos convidamos a todos e todas a vir vernos nas seguintes datas:

- Luns 23 de maio (Teatro):

Ás 17:00 actuarán os rapaces e rapazas de 1º B coa representación da obra "La Manzana".

Ás 18:00 actuarán os nenos e nenas de 5 anos coa representación da obra "A cousa que máis doe".

- Mércores 25 de maio (Baile):

A partir das 19:00 actuarán os nenos e nenas de 3º A co baile do "Waka-waka" e as nenas de 6º de Primaria co baile da "Danza do Ventre".

Agardámosvos alí!

FELIZ DÍA DAS LETRAS!

2011-05-17T20:51:00.002+02:00

Como sabedes, este ano o día das Letras Galegas está adicado a Lois Pereiro (1958-1996).

Os nenos e nenas do Ramón de la Sagra ocupáronse de realizar diferentes obras para manter viva a súa memoria.

Velaí vai unha mostra:

Podedes realizar diferentes actividades relativas á vida e obra de este autor picando no seguinte enlace. (clica aquí)

(Grazas ao profe de informática por proporcionárnolo!)

Tamén podedes coñecer máis sobre a vida de Lois Pereiro e sobre as homenaxes e actividades que se van levar a cabo no seu nome a través da súa web oficial (clica aquí).

E velaí van uns versiños da súa controvertida obra que descansan na lousa da súa tumba, dando fe da crudeza da mesma:

" Cuspídeme enriba cando pasedes por diante do lugar onde eu repouse, enviándome unha húmida mensaxe de vida e de furia necesaria."

2 de Abril: DÍA INTERNACIONAL DEL AUTISMO

2011-04-02T19:47:00.000+02:00

MENSAJE DE UN NIÑO CON AUTISMO:

Es posible que no sepa demostrarte lo que siento, que me abrume tu proximidad y

que te mire de reojo. Relacionarme con los demás es para mí difícil, sobre todo

con los de mi edad. Ten paciencia, no te vayas, nada de lo que hagas será

inútil. Poco a poco me iré acostumbrando a ti y llegaremos a entendernos.

Mi sinceridad, mi inocencia y mi espontaneidad pueden generar ternura en las

personas sensibles, pero también pueden provocar rechazo o ganas de burlarse de

mí en otras. Comprende que para mí es difícil captar tus gestos e interpretar tu

intención.

Puedo ser inflexible y monotemático, pero si conduces bien mis temas y los utilizas

como centro de motivación, luego podrás ir llevándolos hacia otro lado y terminaremos hablando de otras cosas.

Si me escuchas, me estarás enseñando a escuchar y lograrás aportarme un poquito

de tranquilidad, reduciendo mi ansiedad y aislamiento.

Prométeme que siempre que estés junto a alguien como yo harás lo posible por

aprender a escucharle. Recuerda que aunque gire su cuerpo, evite tu mirada, tu

presencia o tu contacto, te estará sintiendo. Aunque no te sonría, no de

muestras de alegría ni te reciba con los brazos abiertos, se ha alegrado de

verte; si se separa es por necesidad, no por indiferencia y todo lo que hagas

para facilitarle las cosas va a repercutir en su bienestar.

Traballamos na aula de Audición e Linguaxe.

2011-03-20T21:03:00.000+01:00

A metodoloxía de traballo adaptado ó discente e individualizado que se realiza na aula de AL require de moito material que se pretende resulte atractivo para o alumnado que deba traballar con el.

As seguintes imaxes mostran unha parte dese material:

Circuítos de soplo,

Reloxo analóxico con belcro,

polbo de creación de familias

e fichas tanto de denominación como para descrición e apoio de
ampliación da linguaxe espontánea, sendo isto unha mínima parte
do total requirido.

Por por un exemplo, para traballar o soplo só
saen os circuítos de soplo, pero este tamén se traballa con velas,
pompero, mata-sogras e muíño de papel, o que indica o número de
materiais que require unha soa actividade para traballala
adecuadamente e que non resulte monótona nin desilusionante para @s alumn@s.

Edukambi visita aos rapaces e rapazas de 3º!

2011-03-13T17:12:00.000+01:00

O pasado xoves 3 de marzo, os nenos e nenas de 3º de Educación Primaria recibimos unha sorpresa moi agradable: Os biólogos e biólogas que forman o grupo "Edukambi" visitaban o noso colexio para falarnos acerca de moitos aspectos relacionados coa auga: O seu ciclo, a importancia da auga potable e o funcinamento básico dunha depuradora: a filtración e a sedimentación.

Para isto, Adhara, Martina e Noel dividíronnos en dous grupos: primeiro fomos 3º B e cando acabamos, 3º A. En ambolos dous grupos levamos a cabo actividades similares.

Primeiro nos explicaron todos os aspectos mencionados con anterioridade coa proxección dun power point moi chulo e a través de diversas preguntas que nos fixeron activar a mente.

Chegou un momento no que tiñamos tantas inquietudes que casi os desbordamos a preguntas!

Despóis, cada clase foi dividida en 2 grupos que participamos nun taller onde nós mesm@s puidemos observar os procesos de filtración e depuración que se levan a cabo nunha depuradora.

Foi moi interesante!

Por último, con todo o aprendido, cada clase realizou 2 murales: un mostrando o ciclo da auga, e outro con ideas importantes e accións que levaremos a cabo para aforrar auga.

Antes de marchar, os "Super-biólogos" (como lles chamamos nós) repartíronnos uns boletíns con actividades moi divertidas e interesantes relacionadas coa educación ambiental.

Para os que queirades seguir aprendendo a coidar o medio ambiente, nos menús da dereita, en concreto no "noso recuncho ecolóxico" tedes o link á páxina web de Edukambi.

Eles tamén falaron de nós na súa web. Mirádeo clicando aquí.

Ademáis, despois de pasar polo cole sairon en varios periódicos. Clicade aquí para ler a noticia do Ideal Gallego e clicade aquí para ler a noticia do Correo Gallego.

A verdade é que foi unha experiencia única e moi especial que esperamos se poida repetir.

Grazas "super-biólogos" por ser tan maxetes e por facernos aprender ao tempo que nos divertimos tanto.

Foi un verdadeiro placer ;)

O Entroido no CEIP Ramón de la Sagra!

2011-03-09T14:45:00.001+01:00

E por fin chegou o esperado entroido ao cole!

O pasado venres 4 de Marzo, toda a comunidade educativa do CEIP Ramón de la Sagra celebramos esta festa que tanto nos gusta.

Como xa sabedes, este é o ano intenacional dos bosques polo que casi todos os disfraces rondaban esta temática.

Tivemos: árbores, leñadores e leñadoras, seres máxicos dos bosques, e ata á mesmísima Carapuchiña e o lobo feroz!

Todos xuntos fomos dar un paseo ao redor do vecindario, acompañados de papás, mamás, avós, avoas e amig@s para amosarlles a todos o guap@s que iamos. Para finalizar aterrizamos no patio do cole onde o pasamos bomba cuns bailes que tiñamos preparados para esta data.

Aquí tedes unha mostra dos espectaculares disfraces que luciron tanto profes como alumn@s.

A visita de Carapuchiña Vermella e o seu amigo Pablo, o Trombonista de Hamelín

2011-03-05T14:27:00.001+01:00

O pasado venres 25 de febreiro, os nenos e nenas de Educación Infantil e 1º de primaria tivemos unha grande sorpresa na biblioteca do colexio: a visita de Carapuchiña Vermella e o seu amigo Pablo, o Trombonista de Hamelín.

Quedamos bastante sorprendidos e admirados coa súa presenza porque Carapuchiña xa non é unha nena. ¡Agora é unha moza a quen lle encanta patinar!.

Carapuchiña contounos que segue paseando e disfrutando do bosque como cando era pequena, coa súa carapucha vermella. Pero na súa cesta xa non hai mazás nin biscoito. Agora leva libros sobre os bosques cos que aprender sobre eles e contos fermosos que xiran arredor da espesura das árbores e os seus máxicos habitantes.

Explicounos tamén que anda un pouco preocupada pola conserva dos bosques nos que medrou e onde vivíu tantas aventuras. Por iso, decidíu visitarnos, para invitarnos a investigar nas nosas aulas sobre eles.

Aceptamos encantados, así que nas próximas semanas traballaremos e aprenderemos sobre este tema.

Gustounos tanto, tanto, tanto a visita de Carapuchiña e a música de Pablo que non os deixabamos marchar.

Moitas grazas!

@s nen@s de 4º e os nosos traballos.

2011-03-03T19:22:00.000+01:00

Mural realizado polos alumn@s de 4º nivel sobre "Picasso e as súas mulleres" tras asistir a unha visita á Fundación María José Jove.

Non vos parece que lles veu ben esta visita nesta época de Entroido?

***********************************************************************************

Disfrace para o segundo ciclo...

2011-02-16T22:46:00.000+01:00

Este ano, como xa saberedes, é o ano internacional dos bosques.

Para contrubuír á súa conserva e preservación, no colexio xa temos realizado no que vai de curso numerosas actividades con este tema como fío condutor e o entroido non ía ser menos!

O alumnado do colexio seguro que se disfrazará con algún traxe relacionado con esta temática!

As nenas e nenos do segundo ciclo de Educación Primaria, é dicir, 3º e 4º, iremos disfrazad@s dunhas misteriosas criaturas que moitos cren ter visto vivindo nos bosques galegos, dentro das árbores, debaixo das rochas, preto de ríos e lagoas...será verdade?

Para que poidades facer dito traxe, a continuación deixámosvos as instrucións que debedes seguir:

Estas son as plantillas para as fibelas:

As cores dos disfraces serán as seguintes:

4º A e 4º B poderán elexir entre cor vermella ou amarela

3ºA irá de cor azul

3ºB irá de cor verde

Este sería o resultado final:

Se nunca víchedes un trasno, recoméndovos estar preto do Ramón de la Sagra polo Entroido...Seguro segurísimo que algún aparece... :)

Día da Paz

2011-02-01T22:52:00.000+01:00

Como xa sabedes, o pasado luns celebramos no cole o Día da Paz.

Despois do recreo, baixamos tod@s ao patio onde escoitamos a algúns dos nosos compañeiros e compañeiras ler unhas palabras pola Paz.

Despois, bailamos tod@s xunt@s varias danzas que xa tiñamos ensaiado coas mestras de música.

Por último quedamos abraiad@s coa solta simbólica de pombas que sobrevoaron a escola varias veces en formación ate desaparecer finalmente ao lonxe.

QUE TODOS OS DÍAS SEXAN DÍAS DE PAZ!

2011-01-27T20:55:00.000+01:00

Como en outros cursos, fixemos unha mostra de libros sobre a paz na entrada do colexio para ler e disfrutar durante estes días.

Pero, nesta ocasión, foron os nenos e nenas os e as que realizaron esta selección.

Como podedes ver hai libros sobre a amizade, a igualdade, o agarimo... e a verdade é que son todos preciosos.

Noraboa a todos e todas por ter tan bo criterio e moitas grazas pola vosa colaboración.

(CLICA NAS IMAXES PARA AGRANDAR)

Canción para o Día da Paz

2011-01-22T20:21:00.002+01:00

Se clicades na aplicación de embaixo poderedes escoitar a canción para o Día da Paz, titulada "Que Vivan a Paz e o Amor".

E Como ben di a canción... que vivan!!

Click to play

Letra:

"Cantemos collidos das mans este son:

que vivan a paz e o amor!

Unámolos pobos sen odio e rencor:

que vivan a paz e o amor!

Que tódolos nenos levanten as mans.

Que tódolos nenos levanten a voz:

Máis guerras non!

Máis odios non!

Que vivan a paz e o amor!

Amigo de lonxe, que importa o lugar?

Que vivan a paz e o amor!

Xuntémonos todos, cantemos en paz:

Que vivan a paz e o amor!

Que tódolos nenos

unamos as razas

non importa a cor.

Que vivan a paz e o amor!

Os ricos e pobres

cantando ao amor.

Que vivan a paz e o amor!

Que tódolos nenos... "

Fotos de Nadal

2011-01-22T20:15:00.000+01:00

Ainda que con un pouco de retraso, velaí van algunhas fotos da decoración de nadal que tivemos no cole o pasado mes de decembro.

Esperamos que vos gusten!

Felices festas e felices lecturas!

2010-12-15T19:45:00.000+01:00

Estes días tódolos nenos e nenas do colexio están a

recibir esta guía de lectura.

Nela recónllense os que para nós son algúns dos

mellores libros publicados recentemente.

Témolos expostos na biblioteca para que os poidan mirar

e así se animen a pedilos nas súas cartas a Papá Noel e

 aos Reis Magos.
Que o vindeiro ano 2011 chegue cheo de paz e boas

lecturas.

FELICES FESTAS A TOD@S!

O equipo da biblioteca

COÑECENDO A BIBLIOTECA DO COLE!

2010-11-25T20:08:00.000+01:00

A continuación poderedes ollar o tríptico que se repartiu esta semana a todos os nenos e nenas do colexio.

Lédeo con moita atención e así aprenderedes a empregar a biblioteca axeitadamente, a coidar os libros e a escoller os que máis vos interesan.

Moitas grazas, profes da biblioteca!

(Clicade nas imaxes para agrandar)

Magosto

2010-11-16T21:22:00.000+01:00

Como xa sabedes, o xoves día 11 de novembro, festexamos o magosto no cole.

A cuarta hora baixamos ao patio, comemos castañas e representamos uns bailes moi divertidos que nos aprendera a profe de música. Pasámolo en grande!

Velaí vai unha pequena mostra!

Traballos do outono: As árbores

2010-11-10T21:27:00.000+01:00

Con motivo do outono, as rapazas e rapaces de Primaria fixeron uns traballos moi orixinais representando diferentes árbores que podemos atopar polos bosques e campos galegos.

Estes traballos están colgados polos corredores do colexio pero aquí poñemos unha mostra para que os poidades ver máis polo miúdo. A verdade é que temos unha boa panda de artistas! 

Non volo perdades!

É tempo de Magosto!!

2010-11-09T22:41:00.000+01:00

A continuación podedes ver o tríptico do Magosto realizado polo Equipo de Normalización Lingüística e polo Equipo de Actividades Complementarias e Extraescolares do noso cole. Se clicades nas imaxes poderédelas ver a tamaño grande.

No apartado de Webquests, na columna da dereita tamén tedes unha divertida actividade acerca desta celebración.

Esperamos que o disfrutedes!

A SANTA COMPAÑA VISITA O COLE...

2010-11-04T17:54:00.000+01:00

Con motivo do Samaín, o venres pasado, a Santa Compaña visitou o noso colexio.

Despois do recreo unha música terrorífica inundou o colexio mentres estas almas perdidas e o vivo que os acompaña visitaban as nosas aulas e trataban de meternos medo.

Mirade as fotos que lles conseguimos sacar. Non foi fácil, eran moi escorredizos!!

Tríptico de Samaín

2010-10-28T23:34:00.000+02:00

Clica nas imaxes para ampliar e ler o tríptico do Samaín elaborado polo equipo de Normalización Lingüística e polo equipo de Actividades Complementarias do cole.

O Samaín tamén chega á biblioteca do cole!

2010-10-27T23:42:00.000+02:00

Xa Chega o Samaín!

2010-10-26T21:37:00.002+02:00

Xa chega o Samaín ao colexio! Para que teñades unha idea acerca desta festa tan divertida, a continuación poderedes ler un texto sobre a Santa Compaña, ver unhas fotos da decoración que temos no cole e ver un vídeo da canción de Mamá Cabra que cantan os nosos nenos e nenas de infantil.

Á esquerda, no apartado de WEBQUESTS tamén tedes unha actividade para que aprendades máis cousas de dita celebración.

Ademáis, no blogue I want to learn English (no apartado AS NOSAS WEBS E BLOGUES) atoparedes moitas actividades en inglés acerca da festa homóloga de Halloween, ademais dun video, caretas e debuxos para imprimir e colorear.

A SANTA COMPAÑA:

Segundo a tradición galega, a procesión da Sta. Compaña está composta por espectros de mortos ou almas en pena.

Os espíritus dos mortos saen cada noite sobre as doce partindo dunha igrexa e marchan en dúas ringleiras portando fachos.

A procesión vai encabezada por unha persoa viva portando unha cruz.

O portador da cruz non pode en ningún momento volver a vista nin renunciar ao seu posto durante toda a súa vida. Só quedará liberado cando cruce no seu camiño con outra persoa a quen lle entregar a cruz.

Para evitar reemprazar ao portador da cruz, as persoas que se atopen coa Santa Compaña deben trazar un círculo no chan e meterse dentro del ou botarse boca abaixo.

Tamén deben permanecer en silencio para que os espíritus non se percaten da súa presenza.

Xa sabedes. Se vos atopades coa Santa Compaña... SILENCIO! non vaia ser que vos vexan.

Xa temos blogue do colexio!

2010-10-17T04:29:00.002+02:00

Como vedes xa temos blogue de todo o cole. A partir deste intre trataremos de actualizar este espazo con todo tipo de contidos tanto para os nenos e nenas como para as nais e os pais.

Próximamente poderedes acceder a diferentes videos, fotografías, traballos realizados en clase, enlaces aos blogues de aula así como a páxinas para practicar e ampliar os contidos de diferentes materias,actividades como webquests, concursos, e un longo etcétera.

Así que xa sabedes: moi atent@s que aló imos!